بيتزا الخضار بالعجينة الدهبية جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة.
- مكونات العجينة :
- ٢ونصف كوب ماء دافىء
- ملعقة كبيرة خميرة فورية
- 6 ملاعق كبيرة حليب بودرة
- 4 ملاعق كبيرة سكر
- 3/4 كوب زيت ذرة
- 0.33 ملاعق زيت زيتون
- 6 كاسات طحين
- 1 ملعقة كبيرة ممسوحة بيكنغ باودر
- 2 ملعقة صغيرة ملح
- ٥ حبات شرائح بندورة رفيعة متوسطات الحجم
- مكونات حشوة الببتزا :
- كاتشاب
- بصلة متوسطة مقطع جوانح رفيعه
- 3 فليفله ألوان (١اصفر ، ١اخضر ، ١احمر) مقطعين مربعات صغيرة
- علبة ذرة صغيرة
- علبة فطر مقطع شرائح
- شرائح زيتون أسود وأخضر
- قطعه جبنة بيضا مبشورة
- جبنة شيدر مبشورة
- جبنة موزاريلا مبشورة
- 1 أولاً بتحضر العجينة : بخلاط الفواكة بنحط كل مكونات العجين ما عدا الطحين وبنتركهم يمتزجوا لغاية ما تطلع منهم رغوة
- 2 بعدين بنكون مجهزين ٦ كاسات طحين منخلين بصحن غميق وبنضيف المزيج عليهم وبنحرك بالمعلقة وبعدين بنعجنهم لحتى يمتزج للمكونات مع بعضها.
-
3
بنغطي العجين وبنتركها بمكان دافي ١٥٣٠ دقيقة
- 4 بهي الاثناء بنقطع الخضار وبنجهزها
-
5
بالنسبة للفطر بنحوسه بالقلاية بشوية زيت درة و ملح وفلفل اسود لغاية مايتحمر بسيط. والبصل بعد تقطيعه شرائح رفيعه بنحط عليه شوية ملح وفلفل اسود وكمون و نعنع ناشف ملعقة صغيرة و زبت زيتون وبنفركه مع بعضه.
- 6 بنسخن الفرن على ٢٢٠ و بنبدا نفرد العجينة ونحط الكاتشاب والخضار والجبن عليها وبنحطها بالفرن وبنقلل درجة الحرارة ل ١٨٠ ٢٠٠ بالرف الوسط لمدة ١٥ دقيقة أو لحتى تتحمر من فوق وتحت وتصير باللون الدهبي ، وصحة وعافية.
يجب عليك تسجيل الدخول لتتمكن من التعليق وإضافة تجربتك لهذه الوصفه
